Հանրային պաշտպանի գրասենյակի ղեկավարը նշանակվում է փաստաբանների պալատի խորհրդի կողմից` փաստաբանների պալատի նախագահի ներկայացմամբ՝ առնվազն տասը տարվա փաստաբանական ստաժ ունեցող անդամների կազմից, չորս տարի ժամկետով:
Գրասենյակը ղեկավարում է ՀՀ փաստաբանների պալատի անդամ, փաստաբան Գևորգ Մկրտչյանը (արտոնագիր՝ թիվ 1229):
Հանրային պաշտպանի գրասենյակի ղեկավարն ի պաշտոնե`
1) ներկայացնում է հանրային
պաշտպանի գրասենյակը.
2) կազմակերպում է օրենքով
նախատեսված դեպքերում յուրաքանչյուրի համար հավասարապես մատչելի և արդյունավետ իրավաբանական
օգնության իրականացումը.
3) կատարում է աշխատանքի բաժանում
հանրային պաշտպանների միջև.
4) ընդունում է որոշումներ
հանրային պաշտպանի գրասենյակի բնականոն գործունեությունն ապահովելու ուղղությամբ.
5) որոշում է կայացնում հանրային
պաշտպանություն իրականացնելու մասին որոշումը կամ դիմումը բավարարելու և գործը հանրային
պաշտպանին հանձնելու մասին կամ հանրային պաշտպանություն իրականացնելու դիմումը մերժելու
մասին.
6) հսկողություն է իրականացնում
հանրային պաշտպանների կողմից իրավաբանական օգնություն իրականացնելու որակի և ժամկետների
նկատմամբ.
7) միջնորդություն է ներկայացնում
հանրային պաշտպանի նկատմամբ կարգապահական վարույթ հարուցելու համար.
8) կարող է դիմել պետական
կամ տեղական ինքնակառավարման մարմիններին կամ տնտեսավարող սուբյեկտներին` անվճարունակ
անձանց անվճարունակության փաստը ստուգելու, ինչպես նաև անվճար իրավաբանական օգնություն
ցույց տալու համար անհրաժեշտ տեղեկություններ ստանալու նպատակով: